حرم مطہر رضوی میں علماء کرام پر حملہ، آغا سید حسن نے شدید مذمتی بیان جاری کرتے ہوئے اسے دشمنوں کی ناپاک سازش قرار دے دیا

(بڈگام) جموں و کشمیر انجمن شرعی شیعیان کے صدر حجت الاسلام والمسلمین آغا سید حسن الموسوی الصفوی نےحرم مطہر رضوی میں نامعلوم دہشت گرد کی جانب سے تین علماء کرام پر حملے کی شدید الفاظ میں مذمت کرتے ہوئے کہا کہ اس طرح کے حملے اسلام اور ایران کے دشمنوں کی ناپاک سازش ہے جن کا مقصد ایران کے ماحول کو خراب کرنا ہے لیکن ایرانی حکومت اور ایرانی عوام نے ہمیشہ سے اس طرح کی سازشوں کا ڈٹ کر مقابلہ کیا ہے اور آئندہ بھی کرتے رہیں گے۔

آغا صاحب نے اس حملے میں شہید ہونے والے عالم دین حجت الاسلام اصلانی کے اہلخانہ کو تسلیت پیش کرتے ہوئے ان کے علو درجات اور زخمی دو علماء کرام کی جلد شفا یابی کی دعا کی۔

آغا سید حسن نے اس موقع پر رہبر معظم انقلاب اسلامی ایران حضرت آیت اللہ العظمیٰ سید علی خامنہ ای زید عزہ کی خدمت میں بھی تسلیت پیش کرتے ہوئے کہا کہ کشمیری عوام اس دردناک واقعے میں ایرانی قوم کے ساتھ ہے اور دشمنوں کی اس ناپاک سازش کے خلاف اپنی آواز بلند کرتے ہوئے اس دہشت گردانہ کاروائی کی پرزور مذمت کرتی ہے۔

جواب دیں

آپ کا ای میل ایڈریس شائع نہیں کیا جائے گا۔