یوم شہادت حضرت امام محمد باقر  ؑ کی مناسبت سے مرکزی امام باڑہ بڈگام میں مجلس عزا، آغا سید حسن الموسوی الصفوی نے باقر العلوم ؑ کی سیرت اور کردار و عمل کی وضاحت کی

بڈگام/ سلسلہ امامت کی پانچویں کڑی حضرت امام محمد باقر  ؑ کے یوم شہادت کے موقعہ پر جموں و کشمیر انجمن شرعی شیعیان کے اہتمام سے مرکزی امام باڑہ بڈگام میں مجلس عزا کا انعقاد کیا گیا جس میں خاصی تعداد میں عقیدت مندوں نے شرکت کی۔

عزاداروں کے بھاری اجتماع سے خطاب کرتے ہوئے صدر انجمن شرعی شیعیان حجت الاسلام و المسلمین آغا سید حسن الموسوی الصفوی نے امام محمد باقر  ؑ کے سیرت طیبہ اور کردار و عمل کے مختلف گوشوں کی وضاحت کی، امام عالی مقام ؑ کے علمی کمالات اور تدریسی خدمات کو تاریخ اسلام کا درخشان باب قرار دیتے ہوئے آغا صاحب نے کہا کہ اما عالی مقام ؑ سے شرف تلمذ حاصل کرنے والوں میں دنیائے اسلام کے بہت سے بلند پایہ محدثین و مفسرین شامل ہیں اور اکثر تفاسیر کے ماخذ اور سرچشمہ امام محمد باقر  ؑ کی برگزیدہ ذات ہے، آپ ؑ نے تدریسی و علمی خدمات کے ساتھ ساتھ دین و شریعت کی پاسداری اور بالادستی کے لئے حکمرانوں کے غیض و غضب سے لاپرواہ ہو کر مجاہدانہ کردار ادا کیا اور یہی راہ و روش امام ؑ کی شہادت کا محرک بنی۔

One thought on “یوم شہادت حضرت امام محمد باقر  ؑ کی مناسبت سے مرکزی امام باڑہ بڈگام میں مجلس عزا، آغا سید حسن الموسوی الصفوی نے باقر العلوم ؑ کی سیرت اور کردار و عمل کی وضاحت کی

جواب دیں

آپ کا ای میل ایڈریس شائع نہیں کیا جائے گا۔